- 049 -

1429 (16. października) Legnica, w dzień św. Gawła etc.

Książę Ludwik zastawił burmistrzowi, rajcom i całej gminie miasta Legnica monetę halerzową za 771 ½ grzywny i 6 dobrych groszy praskich polskiej miaryRówna wrocławskiej, równa krakowskiej., z pełnią władzy, swobodami, uprawnieniami, korzyściami, jakie stąd wyniknąć mogą, wszelakimi przynależnościami i łaskami, z jakich dotychczas korzystał sam książę i jego poprzednicy, książęta legniccy etc.

— Wir Lodowig von gotes genaden herczog in Slesien zum Brige unde zu Legnicz bekennen undetuen kunth uffuntlichen mit diesem brive allen den die en sehn adir horen lesen, das wir recht unde redelichen vorkawft unde uffgeloszin habin unsere moncze unsers furstenthums zu Lignicz mit allen unde iclichen hirschaften freyheyten rechten fruchten, die dovon bekomen mochten, zugehorungen und begnadungen, alz wir die selbis unde unsere vorfarn herczoge zu Lignicz selbis unde von der cronen zu Behemen und vor furstlicher macht unsers obgenanten furstenthums von aldirs gehabit habin, nichtis auszgeczogen vor sebenhundert sebenczig anderhalbe marg und sechs groschin gueter Bemischer groschin Polnischer czal, der wir iczund gancz und gar beczalit sein und vorgulden und sulch gelt gancz an unsern erhaftigen nucz entphangen haben, unsern liebin getruen burgermeyster rathmannen unde der ganczen gemeynden unser obgenanten stat Lignicz die obgenante unsere moncze zu haben halten unde geruelichen zu besitczen unde in voller machtunser unser erbin unde rechten nochkomen zu geniszen zu gebruchen, heller adir phenninge an allin undirscheyt zu sloen, die am korne zu adir abesatcze silbirs adir koppers am gewichte zu setczin, wie en das beheglichen unde allirbeqwemste ist unde zum allirbesten noch erem dirkentenisze zu staten komen mag, zu orden unde zu schicken unde slege der moncze zu wandeln, andere zu setczin unde zu wedirruffen, also ufte en das not tuen worde, unde in allirmosze mit der obgenanten monczen zu tuen, was wir selbis domete getuen unde schicken mochten, von uns unsern erbin unde rechten nochkomen gancz allir sachin ungehindirt geistlicher unde wertlicher personen, unde gloubin den obgenanten unsern liebin getruen unser stat Lignicz vor uns unsere erbin unde nochkomen bey unsern guten truen an allis arg unde intragk, daz wir dieselbege moncze bey namen von dem andachtigen hern apte unde conventh des closters zu LewbensLubiąż und sust von eyner iclichen personen geystlich unde wertlich, die do sie von selbegen moncze ansprechin mochten adir worden von czinse adir schulde wegen, adir irkeyn briff welchirleye der were dorobir funden worde, adir von wenne sie dorumb in geystlich adir wertlich gerichte betediget worden, des unde eynes sulchen sullen wir adir unsere erben ane arg gancz ledig freyen vorantworten vortretin unde in craft diesis briffes an allen schaden ganczlichen benemen, unde ap das nicht geschege, do goth vor seye, wez dann die obgenanten unsere lieben getruen eynes sulchen schaden nehmen, vortedigeten unde mit czerungen boten unde in tedigis weyse an gelte adir an guete vorlustig worden unde abegetediget an czinse adir an gelde, in waz wyse das geschege, wez sie dan sulchin schadin nehmen, der sal unser seyn unser erbin unde nochkomen hern zu Lignicz, unde woz sie uns sagen umb sulchen entphangen schaden adir vorlust, daz sullen wir en ungetediget an allen eyt ganczlichen glewbin unde ane arg richten unde gutlichen beczalin. Ouch haben wir den obgenanten unsern rathmannen unde unser stat Lignicz uff sich und unsere obgenante stat sulch obgenante gelt czu czinse auszugewynnen volle macht gegebin uf eyn wedirkauff zu vorschreybin, wo sie sulch gelt auszugewynnen, adir weme sie sich vorschreyben in welcherley weyse daz geschit, daz ist unser wille unde glouben daz zu halden an allis arg noch lawte sulcher brive von unser obgenanten stat gegebin unde die vorschreibunge in allir mosze, alz dann obene geschrebin steet, ydach unschedlichin uns unsern erben unde rechten nochkomen erbhern zu Lignicz an unserm rechten wedirkawffe der obgenanten monczen vor sebinhundertsebinczig anderhalbe marg unde sechs groschen der obgenanten groschen unde czal unde allis zu schaden unde vorlustigen geldis, daz doruff als obengeschrebin steet gegangin were, wenn wir daz vermogen adir so stathaftig werden. In craft dieses briveffes, an den wir zu rechtem bekentenisze unser gros ingesegil habin heyszin hangen.
Geben zu Lignicz an sandte Galli tage noch Crists geborth vierczenhundirt donoch in dem newenundczwenczigisten iare.
Dobey sind gewest unsere liebin getruen her Nickel Stewicz, her Hencz Ole, her Fritsche von Landiszkron, Henrich von Gebelczke, Cuncze von Schellindorf unde…