- 048 -

1425 (25. stycznia) Legnica, w dzień Nawrócenia św. Pawła etc.

Książę Ludwik III. Zastawił burmistrzowi i rajcom miasta Legnica monetę halerzową za 500 grzywien praskich groszy polskiej miaryRówna wrocławskiej, równa krakowskiej..

— Wir Ludowig von gotes genaden herczog in Slesien czu Legnicz und czum Brige bekennen und tuen kunth uffimtlichen mit disem brive allen den die en sehn adir horen lesin, das wir aus wohlbedachtem mute und vleyszigem gehabetem rate unser eldesten lieben getruen umb unsers bestin willen recht und redelichin vorkauft und ufgeloszin habin unsern liebin getruen burgermeyster und rathmannen unser stat Legnicz, den die itczund sein und noch werdin, zu derselbigen unser stat Legnicz handen unsere moncze der heller czu Legnicz vor fumffhundert marg guter Bemischer groschen Polnischer czal, die sie itczund wol zu dank gancz und gar beczalit habin, und sagin sie der qweit ledig und loz bey diesem brive in sulch mosze, das die obgenanten unsere liebin getruen burgermeister und rathmann unser stat Legnicz vorbas meerW tym miejscu brakuje zapewne słów: die hellermoncze. halden haben und schicken sollen mit allen fruchten und nuczbarkeiten und genieszen, die en dovon allenhalben mogen bekomen, von uns unsern erben und nochkomen erbherrn zu Legnicz von allen unsern amechtleuten und eyner iclicher person geistlicher und wertlicher ungehindert. Wir glouben en auch den obgenanten unsern liebin getruen bey unsern guten truen an ark, das wir en dieselbige moncze bey namen von den andechtigen apte und conventh des closters zu LubensLubiąż und sust von eyner iclichen person geistlichen und wertlichen, die sie von derselbigen moncze wegen ansprechin mochten adir worden, von czinsen schuldin, adir ap irkeyn brief dorobir welcherleye der were von ymanden funden worde, adir welcherleie anderer szchin wegin in geystlichen adir wertlichin gerichten adir auszwenig den beiden, gancz und gar freien und ledigen wellen und sullin dorczu und vortretin in craft diesz brives. Und ap das nicht geschege, do got vor sey, glouben wir den obgenanten unsern liebin getruen alsz vor, ap ichtis von czerunge wegin in tedigis weyse und ungelt duruff ginge adir von czinsen genomen worde adir welcherleie weyse daz gescheen mochte keyns auszgenomen, waz sie uns sagin werden in guten truen, daz allesampt mittenander doruff gegangin wer, daz wir unsere erbin und nochkomen erbherrn zu Legnicz en desselbigen gancz gleuben und getruen wellin und sollin und sie das mittenander gancz und gar mit sampt den fumffhundert marken, alz den obene geschrebin steet, und henoch, wenn wir adir unsere nochkomen erbherren zu Legnicz das zu rate und also stathaftig werdin zu wedirkeuffen, gancz und gar hernemen und schadeloz halten wellin und sollin an arg alz vor geschrebin ist. Dorczu so bevelin wir und heyszin unsere obgenanten liebin getruen und wellin, das sie uf obgenante stat Legnicz von des obgenanten geltis wegin fumffhundert mark also vil czinse vorkeuffen und vorsetczin mugen und sulln alz die fumffhundert mark mogen derlangen, die glouben wir en auch czu halden in allen gloebden punckten und artikeln, alz sie dan von derselbigen unser stat wegin vorschreibin werdin, und gloubin zu gebin, dach unschedelichin uns unsern erbin und rechten nochkomen unser stat Legnicz an erem rechten und ungehinderten wedirkauffe der obigen griszin und czal. Wenn wir adir sie dez vermogen und zu rate werden in aller mosze alz dan obene geschrebin steet, so sullin wir is obgenanten unsern liebin getruen vor dem wedirkauffe eyn gancz iar loszen wiszen, denn so sullen wir en das obgenante gelt mit sampt dem gelde, das doruff gegangen were, alz oben geschrebin steet, davor gutlich mittenander beczalen. Wenn en dan das von uns wedirferit, so sullen sie die uns weder fulgen loszin ane wedirrede. Des zu rechten und ewigen bekentnisze haben wir desin brieff mit unserm groszen ingesegil loszin vorsegiln. Gebin zu Legnicz am tage conversionis Pauli noch Crists geburt virczenhundert und donoch in dem fumffundczwenczigisten iar.

Dobey sind gewest unsere liebin getruen her Nickel Stewicz, George Uneruh, Heinrich von Gebelzck, Adam Falkinhain, Heinrich Schellindorff, Anthonius Gefuge und Johannes Bawde unser schreiber, dem dieser brieff befolen war.