- 047 -

1423 (29. lipca) w dzień św. Marty etc.

Książęta Ruprecht I. i Ludwik I., bracia, zastawili burmistrzowi, rajcom i całemu miastu Lubin monetę halerzową.

— In gotys namen amen. Wir Ruprecht von gotis gnaden und wir Ludwig von den selben gotis gnaden gebrudere herczoge in Slesien herren zcu LobinLubin HaynowChojnów und zcur OlauOława etc. bekennen in desim bryffe allen dy en zehen adir horen lesen, das wir mit rathe unsere eldisten manne geeygen und vorsaczt haben unsern lieben getrawen burgermeister rotmann und der ganczyn stad Lobin unsere gancze und folkomene macht zcu monczen und hellir zcu machyn und zcu slohen in unseren namen craft und macht, als yn andiren steten in Slesien gewenlich ist, cwelff hellir vor eyn Bemisschen grosschen, und glouben und wellen se und ere nochkomen dorbey behaldin und vortretin. Und das haben wir getan umb eyn söttyns, das dy obgenanten unsre lieben getron ratmanne der stad Lobin und ere nochkommen sich doran dirholen und domete gelosen mogen czwenczig mark ierlichir czinsze von den virczig marcken czinszes, dy se von unsers lieben hirren und vatirs herczag Henrichs czeliger gedechtnisz uff sich und uf dy stad Lobin vor czeyten hatten manhirley personen und luten, dorobir sy der stad Lobin bryffe gegeben haben, dy an uns komen seyn in schuldenweisze von des obgenanten unsers liben herren und vatirs czeligen gedechtniszes. Dy obgenannte moncze sullen sy inne haben orbirn und treyben des beisten und meisten des sy mogen und er genyszen, als lange bys wir adir unsere nachkomen fursten se adir ere nachkomme rotmanne zcu Lobin losen und freyen czwenczik marck czinses und gulde gekouft umb dryttehalbhundirt marck gutir Bemisschir grosschen, wemme wir des zcu rate werden. Auch glouben wir dy obgenanten unsre liben getrawen ratmanne zcu Lobin und ere nachkomende an der moncze mit keyner andir moncze nicht czu hyndern noch in keynerley andir weise noch dy unsre anewalden, sundir wir wellen sy alleczeit gnadichlich dorczu fordern und dyselbe ere moncze in unseren landen und stetyn fordern, als ap wir dy czelbir lyssen slohen und machen.
Des zcu sicherm bekentnisze haben wir en desen bryff vorsigilt loszen werden mit unseren ingesigillen, der do gegeben ist am tage Merthe nach Christs geburt tusyntvyrhundirt ior im drytten und czwenczigisten iore. Dobey syn gewest unsere lyben getrawen Luter LembergZ Lwówka Śląskiego, Hannos Rotkirche, Heyntze Wylkow, Jorge Falkinhayn, Olbrecht Prypticz und Caspar vom TynczZ Tyńca unser schreiber, der desin briff von unsirn geheysz mit unsern anhangenden ingesigiln vorsigilt hat etc.