- 073 -

1381 (15. stycznia) Świdnica, we wtorek przed dniem św. Fabiana etc.

AgnieszkaAgnieszka Habsburg, żona Bolka II. Małego, księżna świdnicko – jaworska w l. 1368 – 1392. , księżna Śląska, pani z Książa oraz na Świdnicy i Jaworze, sprzedała miastom Świdnica, Strzegom, Jawor, Dzierżoniów, Niemcza, Lwówek Śląski, Jelenia Góra, Bolesławiec, Kamienna Góra, Bolków, Świebodzice, Świerzawa, Gryfów Śląski i Wleń srebrną monetę, obowiązującą na terenie obydwu księstw, we wszystkich miastach, zamkach, targach i wioskach, za kwotę 300 grzywien praskich groszy polskiej miary, na okres dziesięciu lat.

— Wir Agnes von gots gnaden herczoginne yn Slezien frouwe von FurstinbergZamek Książ zur SweidniczŚwidnica und zum JauworJawor bekennen offenlich mit disem briefe allen den die en sehn adir horen lesen, daz wir unsern getruwen . . ratman und burgern unser stethe Sweidnicz StregonStrzegom Jauwor ReichinbachDzierżoniów NimptschNiemcza LauwembergLwówek Śląski HirsbergJelenia Góra BonczlawBolesławiec LandishutKamienna Góra HaynBolków FreiburgŚwiebodzice SchonowŚwierzawa GreyffenbergGryfów Śląski und LenWleń yn eynem rechten kouffe recht und redlich vorkoufft haben unsere silberinne muncze obiral yn unsern landen, beyde yn dem neuwen lsnde und ouch yn dem aldem lande und yn allen unsern stethen burgen merkten und dorffern umb dreyhundert mark Prager grasschen und Polnisscher czal, daz die sal sein zur Sweidnicz und nyergen anderswo wedir yn unserm lande, daz wir iczunt haben, noch yn dem, daz uns noch zugeen mochte, wedir noch„noch” powinno być usunięte. yn welden yn stethen noch yn merkten noch yn dorffern noch yn gebirge noch uff hewsern noch yn dheinir ander stat wenn yn unser stat zur Sweidnicz, is kome silberweg dorynne uff adir nicht. Dieselb silberynne muncze sullen sie haben von sand Johans tag des touffers [29. sierpnia], der nehste zukomftig ist, obir czehn gancze iar noch enander ane mithel zu czelen. Were abir daz sache, daz an uns von todes wegen icht geschee bynnen denselben czehen iaren so sullen die obgenanten unsre ratmann und burgere dieselbn silberynn muncze innehaben ungehindert zwey gancze iar noch unsern tode zu hand ane mittel zu czelen, alz daz unsr herre der kunig her WenczlawWacław IV. Luksemburski, król niemiecki w l. 1378 – 1400, czeski 1378 – 1419, książę Luksemburga 1383 – 1419. Romisscher und Behmisscher kunig hat vorbrifet und bestetiget. Sie sullen auch dieselbe muncze alle die czeit haben zu allem rechte zu allem nucze und zu allir herschafft, alz wir sie selbir gehabt haben oder gehaben mochten, und sullen slahen zwelff pfening fur eynen grosschen und fierundzwenczig helbeling vor eynen grasschen. Ouch sul man zu der marke silbers drey fierdung koppfers zuseczen, und eyn skot sal steen ane vore an der marke, sie sei zu geringe adir zu swehr adir dorunder adir dorobir. Ouch sullen sie munczen und slahen in denselben czehn iaren alle iare wenne es en fuglich ist und alzo dicke und offte alz sie wollen und alz sie dunket daz es notdurfft sein wirdt. Ab ouch die vorgenanten . . ratmann und burger dieselb muncze nicht wolden noch mochten selbir gehalden, so mogen sie dieselb muncze vorkouffen adir vormyten eynem andern manne wem sie wollen adir wie sie mogen yn den czehn iaren, dach eynem sogetanem manne, der unser undersezze sei adir unser burger. Wir wollen ouch, daz nyemand anders sal lazzen slahen noch munczen dieselb silberynne muncze, der yn unserm lande geseszen ist, daz wir iczunt haben und [uns] werden mochte, er sey ritter adir knecht, burger adir gebouwer, cristen adir jude, nyemandt uzgenomen sunder die obgenanten burgere alleyne adir der, dem sie dieselb muncze vormyten alz vor geredt ist. Wir wollen ouch, daz keyn man rither knecht burger gebouwir noch keyne stat sal nemen noch lazzen nemen pfennig, die ander muncze seyn, wenn die pfennig alleyne, die die offtgenanten ratmann und burger werden lazzen slahen, den wir sie vorkoufft haben. Wer dorobir anders tete, der sal daz beszern und abelegen mit czehen narken, und die sullen gefallen halb uns und halb allen den vorgenanten unsern stethen, und dorczu sulln wir sein beholfen. Dobei globen wir sie die egenanten czehen iar zu lazzen und zu behalden frey ane allis dienst und beswernusse von uns unsern dienern und anewalden ungehindert. Mit urkund dicz brieffs vorsigelt mit unserm anhangendem ingesigle.

Gegeben zur Sweidnicz noch Crists geburt dreiczenhundert iar dornoch yn dem eynundachtczigstem iare am nehsten dinstag fur sand Fabiani tag.

Dez sind geczeug unsere getruwen her Hermann von Czetheras, her Hentschel Koppe von Czedlitz, her Nickel von Czeiskberg, her Gunczil von Lasan, her Heidinrich von Tscherticz, Heinrich Wiltberg und . . Slewicz unser lantschreiber.