- 056 -

1483 (25. kwietnia) Głogów, w dzień św. Marka etc.

Porządek monetarny księcia Jana II.

— Wir von gotts gnaden Johanns herzcug in Slesien vom SaganŻagań und zw GroszenglogeGłogów FreienstadtKożuchów etc. entpieten unser mannschafftn burgermeister und radtmann des SprottischenSzprotawa weychgebilds und stadt, darneben allen unsern vorwanthin und underthan unser ghunst. Lieben getrawn. Als itzt ein zceither mergliche irrung in unserm furstenthum der muntz halben gewesen ist, haben wir noch guttem vorgehabtem rathe unser getrawen uns gevleisziget das zw understehn und ain muntz, damit arm und reich erbar und unerbar geistlich ader wertlich unser getrewen und undirthan sich bequemer enthalden und besachn mugen, slaen laszen, schaffen wollen und gepieten, das nw hinfur zulch unser muntz von montag schirstkumfftig anzwfahn zulle nach laudt und inhaldt wy hir noch volget und alzo genumen und gehalten werden. Zum ersten zall alle muntze wy dy mit nomen genant ist nw hinfur abe und vorbotten sein und von nymandt futmhr genomen wrden.
Item es zall nymandts wes wesens oder stands sein erbar oder unerbar kein muntz dan alleyn konigliche muntz an grosschin und halbin groschin Breslisch ausz unsrm wechsil und unser heller gebn und nehmen.
Iten welcher darubir thuen wirt und sulch unser gepot ubirtreten wirdt, zal uns zcehn marg derselben muntz in unser kamer vorfallen sein.
Item es sal ein itzliche stadt und weichgepilde ordenen, das der gemeyn nutz uff zulche unsere muntz mit hellerwerten bey gnanter pen vorsehn werde.
Item es zall auch nymandts andrs gebn noch nehmen dann vierzig groschen obgenannter muntz vor eynen Ungarisschen gulden und zwelff heller vor einen Breslisschen groschen. Item wes an erblichin zcinszen sindt sullen achtzehn heller vor eynen groschen Bemesschyn gebn und nehmen.
Item wir wollen, das nw hinfur, welchin auff widerkauff noch Behmsscher anczall ein marg Behmissch zw nehmen geburit, der sdal sich an eynr marg diczr unser muntz begnugen lasszen bey obgenanter pen.
Item wes nicht noch Behmisscher antzael des houbtgutts seyner zcinsze verschreybung sunder nach ganghafftiger muntz sindt, der sal das zo anstellenn das er sulch vormechtnisz und vorschreibung noch Behmisscher zcal hohen oder nidern zall, und ap her dacz nicht thuen wolt noch vormocht, zal [er] allein acht diczer unser heller vor eynen groschen und nebn (!). Welchir dawider thut zal uns obgnante pen vorfallen sein.
Item es zal nymandts bey obgnanter pen wes wezens oder stands sy sein kein wechsill an gulden grosschin und hellirn thuen noch haben dan allein unser wechsler den wir in iczlicher stadt darzw gesaczt haben bei gnanter pen. Item wes eyner dem andirn in vorgangner zceit pflichtig oder schuldig wurdn ist, der zal sich zw nehmen und gebn in beczalung vor ein schog der vorigen muntz viertzig groschen ditzer muntz ader an eynem begnugen lasszen.
Item es sall sich ein yder kauffr vorkauffer und erbeyter darnach halten mit satzung seynes kauffes und lonis nach diczr unser muntz und pillichkeit bei pen und straffung dy wir uns behaltn.
Item welchir ditz unser gepot befelich und satzung ubirtretin wirdt in eynem ader mehrn stucken, der sall sulche pen wy obin uns zw gebn verfalln seyn, dy wir an alle gnad nehmen wolln. Haben darnebin in allen unsern stetn und gepieten unsern getrewn liebn houbtlewtn burgermeister und radtmann entpfolen und ernstlich gepoten darzw auffsehn zw haben und von sulchin obirtretirn an allen hyndernis gesatzte pen zw nehmen und dieselbn zw unsrn handen, zw purgnhanden adir in gefengnis zu pringin. Darnach sich ein yder wissche zw halden.

Gebn zw Gloge am tag Marcy, annorum vero LXXXIII.