- 074 -

1385 (14. kwietnia) Świdnica, w piątek przed dniem święta Miłosierdzia Pańskiego etc.

AgnieszkaAgnieszka Habsburg, żona Bolka II. Małego, księżna świdnicko – jaworska w l. 1368 – 1392. , księżna Śląska, pani z Książa oraz na Świdnicy i Jaworze sprzedaje burmistrzowi, rajcom i obywatelom miasta Świdnica monetę srebrną, obowiązującą na terenie obydwu księstw, we wszystkich miastach, zamkach, targach i wioskach, za kwotę 300 grzywien praskich groszy polskiej miaryRówna wrocławskiej, równa krakowskiej., na okres sześciu lat.

— Wir Agnes von gots gnadn herczoginne yn Slezien frauwe von FurstinbergZamek Książ zur SwidniczŚwidnica und zum JauworJawor bekennen offinlich mit disem briefe, daz wir unsern getruwen - - - ratmann und burgern under stat Swiednicz yn eynen rechten kouffe recht und redlich vorkoufft haben unsere silberynne muncze obiral yn unserm lande, beyde yn dem neuwen und yn dem alden landen und yn allen unsern steten burgen merkten und dorffern umb dreuhundert mark Prager grasschen und Polonisscher czal, mit namen daz sie sal seyn zur Sweidnicz und nyergen anderswo wedir yn unserm lande, daz wir iczund haben noch yn dem, daz uns noch zugeen mochte, wedir yn stetthen noch yn dorffern noch yn gebirge noch uff howsern noch yn welden noch yn dheinir anders tat wenn yn unser stat Schweidnicz, ez kome silberwerg dorynne uff adir nicht. Dieselb silberynne muncze sullen sie haben von dem nehsten zukonfftigen sand Johans tag dez touffers [29. sierpnia] obir sechs gancze iar noch enander ane mithel czu czeln von alln mennegleich ungehindert und sullen die haben alle die obgenante czeit zu allim sulchim rechten nucze und zu allir herschafft alz wir sie selbir gehabt haben und gehaben möchten und sullen slaen zwelff pfennynge fur eynen grasschen. Ouch sal man zu der marke silbers drey fierdung koppfers zuseczn, und eyn scot sal stehen ane var ab der marke, sie sey zu geringe adir zu swer, alz sie ouch vormals alde briefe haben. Ouch sullen sie munczen und slaen yn denselben sechs iaren alle iare, wenne ez en fuglich ist und allzo offte und dicke alz sie wollen, alz sie dunket daz ez notdurfft wirdt. Ouch ab die obgenanten ….. ratmanne und burger zur Sweidnicz nicht wolden adir nicht vormochten selber dieselb muncze zu halden, so sullen und mogen sie dieselb muncze vorkeuffen adir vormyten eynem andern manne, wem sie wolln und mogen, yn denselben sechs iaren, dach eynem sulchem manne, der unser undersesse ist adir unser burger. Wir wollen ouch, daz nyemand anders, der unser undersesse ist, sal munczen noch sloen lazzen dieselb silberynne muncze, er sey ritter knecht burger gebouwer cristen adir iuden, nyemand uzgenomen, sunder die obgenanten burger zur Sweidnicz alleyne adir der, dem sie dieselb muncze vormyten, alz obengeschriben steet. Ouch wollen wir, daz keyn man ritter knecht burger gebouwer noch nyemand noch keyne unsere stat sullen nehmen noch lazzen nehmen andere pfennyng wenn die pfennyng, die die obgenanten unsere ratmann und burger zur Sweidnicz slaen und munczen lazzen werden. Wer dorobir anders tete, der sal daz beszern und abelegen mit czehem marken und die sullen gevallen halb uns und halb den ….. ratmann zur Sweidnicz und dorczu sullen wir en behulffen sein. Were ouch daz sache daz die offtgenanten ….. ratmann und burger zur Sweidnicz umb dieselb muncze, die wie en vorkouggt hanb, andere unser stette bereden und anlangen wolden, so globen wir en yn guten truwen ane arg, daz wir sie dez furantworten sulln und wolln, und wollen sie ouch lazzen und behalden bey derselben muncze die obgenanten sechs jar allir sachen ungehindert.

Mit urkund dicz brieffs vorsigelt mit anhangendem ingesigle gegeben czur Sweidnicz noch Crists geburt dreyczenhundert jar dornoch yn dem funffundachczigistem jare am fteytag fur misericirdia domini.

Dobey sint gewest unsere getruwen her Benusch und her Herman von Chussenig gebruder, her Heinrich von Kethelicz, her Nickel von Czeiskberg, Heinrich und Bernhard Wiltberg gebruder und her Johans Colmas unser lantschreiber, dem wir disen brieff bevohlen haben.