- 089 -

1518 (21. maja) Kraków, fer. 6ta przed dniem Zesłania Ducha Św. etc.

Bannitio monete Swydnicensis.
21. Maja 1518.
— Sigismundus die gratia etc. universis et singulis principibus tam spiritualibus quam secularibus reverendissimis reverendis in Christo patribus dominis archiepiscopis episcopis nec non magnificis generosis nobilibus famosis et providis palatinis capitaneis tenutariis terrigensis et quibusvis aliis dignitatiis officialibus et eorum vices gerentibus heredibus advocatis scultetis civitatumque et oppidorum nostrorum et quorumcumque subditorum nostrorum magistris civium consulibusque ac communitatibus et generaliter omnibus subditis nostris cuiuscunque conditionis et preeminentie existentibus, ad quos he nostre devenerit et ad quorum notitiam veresimiliter infrascriptum edictum nostrum perlatum fuerit, sincere et fidelibus nostris dilectis salutem et gratiam regiam. Quoniam nuper ad nostre maiestatis scientiam deductum est, quomodo civitas SwidnicensisŚwidnica monetam sub signis nostris et regni nostril titulo vero et insiptione serenissimi domini LudoviciLudwik II. Jagiellończyk, syn Władysława II. Jagiellończyka, król Czech (jako Ludwik I.), Węgier i Chorwacji w l. 1516 – 1526. Hungarie Bohemie etc. regis ad exemplum nove monete nostre mediorum grossorum cum iniuria et diminution maiestatis nostre regie incepit cudere et non parvam ejus summam in provincias regni nostri emisisset et nos attendentes, quod per huiusmodi monete cussionem et emissionem splendor et decus maiestatis nostre regie imminuitur omniumque statuum et ordinum hominibus non mediocre damnum sequitur, tenore presentium declaramus decernimusque et pronuntiamus monetam illam Swidnicensem e regno nostro dominiisque subiectis baniendam et eiciendam nec deinceps publice vel occulte recipiendam sub poena nostra regia quatourdecim marcarum et amissione hujusmodi pecunie. Sed quia in nonnullis provinciis civitatibusque et oppidis regni nostril eadem ipsa moneta (ut edocti sumus) a quibusdam et multis subditis nostris per ignorantiam est recepta, ideo talium indemnitati volentes providere vigore presentium statuimus, ut sub eadem poena nostra regia superius nominate omnes huiusmodi monetam habentes eandem hinc ad festum sancti Bartholomei Apostoli [24. sierpnia] proxime future vel per modum cambii vel per modum rerum emptionis aut alio quocunque negotiationis genere non alibi tanquam ad civitatem Swidnicensem vel in Slesiam referant et extunc in perpetuum illa uti non presumant. Preterea quod in ducatu Slesie cussa est etiam falsa moneta ad instar nostre eaque in regnum est invecta, volentes tanto reipublice detrimento regni nostril et incommode prospicere et ut tam prefatam Swidnicensem quam aliam falsam omnes homines cavere possint, volumus ut per officiales civitatum et oppidorum in singulis civitatibus et oppidis aliquot medii grossi tam Swidnicensis quam false monete circa pretorium et alium locum publicum affifantur, quo ab advenientibus et illos noscere volentibus liberius videri et conspici possint, parum enim admodum a vera moneta nostra differre videntur. Quocirca vobis et presertim locorum capitaneis et eorum vices gerentibus cimmittimus et presentibus mandamus, quatenus hoc edictum nostrorum per loca civitates et oppidia et apud parochiales ecclesias diebus festis per publicam proclamationem denunciari faciatis, quatenus omnes et singuli subditi nostril huiusmodi monetarum receptionem omnio caveant sub poena predicta. Quia si quis ausu temerario huic edicto nostro contravenire presumpserit, indignationem nostrum regiam et poenam quatourdecim marcarum et ammissionem eiusdem pecunie nostre camera solvendarum se noverit incursurum. Quantum autem ad falsam monetam attinet, contra huiusmodi falsatores et ea utentes statutum regni commune desuper editum extendatur.

Datum Cracovie feria sexta ante festum Pentecostes anno domini 1518.

Także: Ignacy Zagórski, Monety dawnej Polski, Warszawa 1845, s.106.