- 011 -

1470 (9. Listopada) Bratysława, w piątek przed św. Marcinem etc.

Król Maciej KorwinMaciej Korwin (łac.: Matthias Corvinus, węg.: Hunyadi Mátyás, zwany Sprawiedliwym, węg. Igazságos), król Węgier, Chorwacji od 1458 i Czech od 1469 roku. mianuje braci Niklasa i Hansa Leopold na stanowisko wymienników.

— Wir Mathias von gots gnaden zu Hungern Behem Dalmacien Croacien etc. kunig bekennen, als wir unsern getreuwen Herman Silberprenner in unsern furstentumben Sweidnicz und Jawr, nemlich zu Wreslaw, in den Sex Steten, in Lawsnitz und in andern furstentumben der Slesy zu unserm munsmaister aufgenomen haben, nach inhaldt unser kuniglichen briefe im daruber gegeben, deshalben wir dy erbern Niclasen Leopolt von Wreslaw und Hansen Leopolden seynen bruder zu wechslern geordnet und aufgenomen haben wissentlich in crafft des briefs, dovon gebieten wir allen fursten, geistlichen und weltlichen, prelaten graven frein herren rittern und knechten, burgermaistern richtern reten gmainden in steten merckten und dorffern und allen andern unsern furstentumben inwonern undirtanen und getrewen ernstlich und wellen, das ir die obgemelten gebruder und ir dyner allenthalben in den bemelten unsern furstentumben und gebieten, nemlich zu Wreslaw, in andern unsern steten der Slesy, in merckten und dorffern allen kauf golds silbers vorbotener und anderir müns auszwexeln, awszekewffen aws unser besunder bevelhnüs vorhenget, in auch ainicherley irrung noch engnus noch den irn darin nit tut noch nymands zu tun gestattet, sunder in wedir menigklich, die in und ir dyner irrung und eingriff an solhem wexel teten und tun wollten, rat hilf und beystand tut, domit solh hinderer und enger nach inhald unser ordenung und satzung an leib und gut gestrafft werden, das wir dan unsern geordneten haubtman doselbst yn der Slesy zu tun bevolhen haben, und darin dhain anders nit tut bey verliesung unser gnaden und meydung unser straff. Mit urkundt des briefs under unserin auszgedrucktem insigel, das wir als kunig zu Behem hiemit geprauchem.

Geben yn unser stad Prespurg am freitage vor sand Merten tage noch Cristi gepurt tawsendt vierhundert und im sibenzigisten jaren, unser reich des Hungerisschen im dreyzehenten und es Bhemisschen im andern ioren.