- 008 -

1470 (2. września) ZnojmoMiasto w Rep. Czeskiej., w niedzielę po św. Idzim etc.

Herman Silberbrenner powołany został przez króla Macieja KorwinaMaciej Korwin (łac.: Matthias Corvinus, węg.: Hunyadi Mátyás, zwany Sprawiedliwym, węg. Igazságos), król Węgier, Chorwacji od 1458 i Czech od 1469 roku. na stanowisko mistrza mincerskiego dla Śląska, Związku Sześciu Miast oraz Łużyc [Dolnych].

— Wir Mathias von gots gnaden zu Hungern zu Behmen etc. konig marggrave zu Merhern herczog in Slezien etc. bekennen offenlich mit disem brieff vor allermeniglich, das wir den fursichtigen Hermann Silberprener unser münsz und wexel in Slesien und sunderlich zu Breslaw, in Sechs Steten und zu Lusicz verlihen haben und in krafft diczs brives verleichen von data diczs brives czway jar nocheinander nochvolgung, alzo das der benandt Herman aus einer mark Wienner gewicht sal machen acht und newnczig groschen, und ein solhe margk sal haben funff loth fein silbers Wienner gewichts, und derselben groschen vierczig solhen gelden ein Ungrischen gulden und yeder grosch zweliff haller. Item der benant unser munszmeister sol auch münszen Ungrissche gulden allenthalben, alzo als man sy im landt zu Hungern yczund machet an grat und gewicht. Auch sal uns der obgeschriben unser munszmaister geben von yeder margk fein silbers ein gulden und funff groschen und von yeder margk feingolds vierdhalben gulden. Auch wellen wir, das nyemandt, es sey goldschmid kauffman oder burger nach ymand anders kein wexel halden sal an des egenandten unsers munszmeister sunderlich erlaubung, und derselb unser munszmaister sol solhen wexel nemen und treiben mit rat und wissen unser lieben getrewn rattmanne zu Breszlaw. Dobey so wellen wir auch, das aller munszergesellen des offt genantten unsers munszmeisters bei allen yren freiheiten und alder gewonheit ganczleich behalden sollen erden vor allermenniglich ungehindert.

Geben zu Znoym am suntag nach sand Egidii tag nach Christi gepurt vierczehenhundert iar darnoch im sybenczigisten jar, unser reich des Hungrischen im dreyczehenten und des Behmischen im anderem iare.