- 033 -

1267 (13. lutego) Wrocław

Tenże sam poleca miśnieńskiemu biskupowi Witticho, by ten wziął pod opiekę nowo założoną szkołę miejską we Wrocławiu przy kościele św. Marii Magdaleny etc.

— Venerabili in Christo patri . ., dei gracia episcopo Misnensi, frater Guido miseratione diuna tituli sancti Laurentii in Lucina presbiter cardinalis, apostolice sedis legatus, salutem in domino. Cum nos dilectis in Christo filiis, consulibus et ciuibus Vratislauiensibus, ut scolas pro pueris eorum paruulis in ciuitate Vratislauiensi iuxta ecclesiam beate Marie Magdalene habere valeant, per nostras litteras ad hoc episcopi et capituli Vratislauiensis et aliorum, quos predictum tangebat negotium, interueniente consensu duxerimus concedendum, cuius concessionis tenor talis est:
Tu następuje dokument nr 32.
vobis, qua fungimur auctoritate, mandamus, quatinus eisdem consulibus et ciuibus Vratislauiensibus pro diuina et nostra reuerentia oportuni fauoris assistentes presidio non permittatis ipsos contra constitutionis seu concessionis nostre tenorem ab aliquo indebite molestari, molestatores huiusmodi per censuram ecclesiasticam compescendo. Datum Vratislauie Idus Februarii, pontificatus domini Clementis, pape quarti, anno secundo.