- 054 -

1283 (12. września) Wrocław.

Książę Henryk IV. Probus zatwierdził miastu Wrocław magdeburskie prawo lokacyjne.

— In nomine dei eterni amen. Omnibus Christi fidelibus, presentem paginam inspecturis, Heinricus, dei gracia dux Slesie et dominus Wratislauie, salutem in auctore salutis. Illud precipue principalis potencie culmen amplificat, rebus communibus diligenter intendere sub certisque legibus ita subditorum constringere voluntates, vt statuti juris obseruanciis alligati, sectari licita valeant et inhibita declinare. Cum itaque felicis memorie pater noster quasdam constituciones et jura Magdeburgensia in locacione nostre civitatis Wratislaviensis ipsis civibus eorumque posteris concedenda decreverit, nos, qui paternis cupimus reuerenter adherere vestigiis, omnia jura predicta, statuta seu constituciones Magdeburgenses, provt a patre nostro ipsis racionabititer sunt indulte, ratificamus, approbamus et presentibus confirmamus ipsasque per ordinem fecimus hic subscribi.
Tu następuje dokument nr 20 do słów: so hebet her sinen Kamph verloren.
Hec sunt jura, que in instrumento autentico felicis memorie patris nostri, ducis Heinrici, conscripta diligenter invenimus et per eundem indulta civibus antedictis. Que cum per negligenciam aut ignauiam eorum, qui pro tempore fuerant, essent defectiue, propter cedule breuitatem, inscripta, obmissis quibusdam articulis, que jus predictum nichilominus contingere videbantur, predicti nostri ciues, cupientes hujusmodi suplere defectum, obmissos ejusdem juris articulos indiscretis vsi consiliis taliter suppleuerunt, vt jus, quod in originali negligenter extitit pretermissum, in alio latere instromenti ejusdem temere ducerent inscribendum, propter quod indignacionis nostre sencientes indicia nostreque postremum gracie reformati pecierunt instancius, vt omnia ipsorum jura, que ab vtraque parte conscripserant, vnius littere continencia concludere dignaremur. Nos itaque ipsorum precibus pium prebentes assensum, quod in prioribus patris nostri litteris fuerat pretermissmn et suprascriptum incongrue, scripturis sequentibus integramus:
Tu następuje dokończenie dokumentu nr 20.
Uniuersa igitur suprascripta jura atque statuta, prout presenti pagine sunt inscripta, principali beneficenda confirmamus volentes ipsa per nostre ciuitatis Wratislauiensis ciues, qui sunt vel pro tempore fuerint, inuiolabiliter obseruari, salua semper tam nobis quam predictis duibus interpretacione, quam dux Heinricus, felicis memorie pater noster, vna cum patruo nostro, felids recordacionis duce Wladyzlao, in derogacionem quorundam articulorum predicti juris interponere decreaerunt ad commodum et profedum ciuitatis et ciuium predictorum, provt in instrumento ipsorum super hoc confecto legitime continetur, cuius tenor talis est:
Tu następuje dokument nr 23.
Omnia enim, que in abrogacionem juris Magdeburgensis in eodem instrumento a nostris progenitoribus sunt inscripta salua volumus conseruari. In quorum omnium testimonium et vigorem presentem litteram sigilli nostri munimine fecimus roborari.

Actum Wratislavie anno domini millesimo ducentesimo octogesimo tercio secundo Idus Septembris presentibus domino Bernhardo, Mysnensi preposito, cancellario nostro, domino Petro prothonotario, Heinrico pincerna de Appolde, Michaele de Schozniz, castellano Wratislaviensi, Nycholao Grimzlawiz, castellano de ZandowelSądowel w pow. Góra., Razzlao Dremeliko, castellano in RetschenNiegdysiejsza kasztelania w Ryczynie, pow. Oława., magistro Jacobo, legum doctore, et aliis multis. Datum per manum magistri Lodwici, notarii curie nostre.