- 072 -

1302 (25. lutego) [Legnica].

Miasto Legnica zobowiązuje się względem Wrocławia do zachowania otrzymanych stamtąd praw dla siebie i swego weichbildu, a w sprawach wątpliwości zwracać się o pouczenie prawne do Wrocławia.

— In nomine domini amen. Vniuersa negocia, que fiunt in tempore, ne simul labantur cum tempore, debent eternari memoria litterarum. Inde est, quare nos ad vniuersorum tam presencium quam futurorum deferre cupimus nocionem, vniuersitas consulum necnon ciuium ciuitatis LegnicensisLegnica, quod habito maturo et pleno consilio seniorum, meliorum ac communitatis promisimus firmiter spondentes vniuersitati consulum et ciuium ciuitatis Wratislauiensis, qui nobis ob veram nostram dileccionem et sinceram amiciciam, quam semper erga nos et nostram gesserunt ciuitatem, dederunt jura Megedebursia, (!) quod nos non debemus nec possumus eadem prefata jura dare nec vendere alicui ciuitati aliene et extranee, sed tantummodo dare debemus nostris hominibus in nostro territorio constitutis, quod wlgariter wichbilde. Preterea promisimus predicte ciuitati Wratislauiensi, quod, si forsitan de futuro nos contingeret in sentenciis et juribus predictis aliquibus aliquantulum deviare pariter et errare, illas sentencias, in quibus nobis est ambiguum scrupulus (!) et erroris, debemus ferro in Wratislauia (!) contradiccione qualibet relegata. Nos igitur, volentes ratum et gratum tenere rem sponsam et promissam, ipsam confirmamus, approbamus, ratificamus in hiis scriptis, et super eo, ne alicui in postrum (!) dubium aliquod processu temporis valeat suboriri, presentem paginam nostri majoris sigilli munimine duximus roborandam. Testes autem hujus sunt Conradus de Mychaelis villa, Teodericus de Woycesdorf, ciues Legnicenses, qui ex parte vniuersitatis ciuium Legnicensium hoc negocium jam fatum fideliter peregerunt, et alii quam plurimi viri probi, ydonei et honesti.

Datum et actum anno incarnacio (!) domini millesimo trecentesimo secundo V. Kalendas Marcii per manus magistri Petri, prothonotarii ciuitatis Wratislauiensis, cujus manibus presencia conscribuntur.