- 036 -

1269 (27. lipca) Wrocław, następnego dnia po św. Annie

Wrocławski książę Władysław, arcybiskup Salzburga, za zgodą swego bratanka, księcia Henryka IV. Probusa, zezwala wymienionym dokumentem obywatelom Wrocławia, zarazem właścicielom młyna na Oławie, na założenie kanału prowadzącego od Odry do rzeki Oławy, dla zapewnienia wody do napędu młyna etc.

— In nomine domini amen. Quoniam in humanis rebus diuina ludit potencia varias hominum formas cottidie innouando, ideo ea, que fiunt in tempore a tabe temporis in obliuionis precipicium deferuntur, nisi litterarum apicibus ac viuarum vocum testimonio fulciantur. Innotescat igitur presentibus et ad memoriam veniat posterorum, quod nos Wlodezlaus, dei gracia dux Slesie, necnon archiepiscopus sancte ecclesie Salzburgensis, vna cum consensu et assensu parique voluntate dilecti nepotis nostri Heinrici, filii fratris nostri ducis Heinrici inclite recordacionis, dilectis ac fidelibus ciuibus nostris Wratizlauiensibus, presencium exhibitoribus possessoribus molendinorum supra aquam nostram OlawamRzeka Oława, videlicet Godekino dicto Stillevoget, Bertoldo et Johanne, Heinrico molendinario et Godino filio Helwici de Bonzlauiaz Bolesławca, Zacharia et Conrado, Heinrico molendinario antedicto, Godefrido Albo, Petro institore de OlauiaOława, et Nycholao, famulo nostro, dicto GanzkaGąska, necnon omnium ipsorum heredibus siue successoribus pro ipsorum perpetua utilitate ex aqua nostra Odrarzeka Odra usque in aquam Olawam fossatum habere indulsimus, ut ex eo perpetualiter cursus aque pateat in predictorum molendinorum subsidium et iuuamen. Ne itaque quispiam huic nostre ordinacioni seu donacioni ausu temerario valeat contraire, presentem cartam appensione nostri sigilli duximus roborandam. Testes autem, cum hec fierent, affuerunt, quorum nomina sunt subscripta: dominus Petrus prothonotarius, comes Thymo de Wisenborch, iudex curie, comes Stosscho, comes Johannes Serucha, comes Mychael Mironowiz, comes Razzlaus Dremelnik, comes Vlricus subdapifer, comes Heinricus, filius Ilici, comes Borutha et alii quam plures.

Datum Wratizlauie in hostio ecclesie beate Marie anno domini millesimo ducentesimo sexagesimo VIIII°, sequenti die beate Anne.