- 085 -

1309 (10. maja) Wrocław.

Książęta Bolesław III. Rozrzutny i Władysław zezwalają obywatelom Wrocławia na wolny połów ryb na części Odry.

— In nomine domini amen. Iustis subditorum nostrorum affectibus nos inclinari convenit et in eorum peticionibus nos beniuolos esse oportet, vt ipsos in honoris nostri profectibus peruigiles senciamus. Inde est, quod nos Bolezlaus et Henricus, dei gracia duces Slezie et domini Wratizlauie, ad noticiam vniuersorum tam presencium quam futurorum volumus devenire, quorum audiencie presens scriptum deferetur, quod attendentes vtilitatem et profectum ciuitatis nostre Wratizlauiensis contulimus et donauimus ciuibus et habitatoribus dicte ciuitatis piscaturam sev piscacionem de nouo meatu, qui wlgariter dicitur „nuwen tam”, versus monasterium sancti Vincencii vsque ad verum fluxum Odre in longum et in latum ad omnem vsum et vtilitatem ipsorum, pro vt ad nos pertinebat, temporibns perpetuis pacifice possidendam. Et vt hec nostra donacio inviolabilis perseueret, presentem paginam nostro sigillo duximus confirtnandam.

Actum et datum Wratizlauie sabato post ascensionem domini anno domini millesimo trecentesimo nono presentibus hiis Schamborio de Schiltberc, Friczcone de Waldow, Hermanno de Eychilburn, Conrado de Porsnicz, Gunthero de Bibersteyn, nostro prothonotario, Wicmanno et Brunone de Olsniczz Oleśnicy, nostris ciuibus Wratizlauiensibus, et aliis multis fide dignis.