- 035 -
1267 (19. lutego) Wrocław
Tenże sam podejmuje decyzję odnośnie sporu proboszcza kościoła św. Marii Magdaleny z klasztorem Na piasku we Wrocławiu w sprawie wykonywania prac duszpasterskich w oparciu o dokument biskupa Wawrzyńca z dn. 27. kwietnia (1. maja)Wg: Schlesisches Urkundenbuch, Herausgegeben von der Historischen Kommission für Schlesien, Vierter Band 1267 - 1281, Bearbeitet von Winfried Irgang, Böhlau Verlag, Köln-Wien 1988 1226 roku etc.
— Vniversis presentes litteras inspecturis frater Gvido miseracione diuina tituli sancti Laurencii in Lucina presbyter cardinalis, apostolice sedis legatus, salutem in domino. Nouerit uniuersitas vestra, quod cum Arduicus, canonicus et rector ecclesie beate Marie Magdalene Wratislauiensis . . abbatem et . . conventum ecclesie sancte Marie virginis eiusdem loci ordinis sancti Augustini coram nobis traxisset in causam proponens contra ipsos in iudicio, quod ipsi in sua parrochia contra voluntatem eiusdem visitabant infirmos, confessiones audiebant, eukaristiam dabant et sepeliebant mortuos ad suum monasterium deferentes corpora eorundem cetera sacramenta ecclesiastica in preiudicium parrochialis ecclesie ministrantes; quare petebat sibi satisfieri de receptis vsque ad viginti marcas argenti, et quod predicti . . abbas et fratres desisterent a predictis lite super hiis contestata. De veritate dicenda prestito iuramento quoddam instrumentum in modum probacionis fuit exhibitum ex parte abbatis et conventus, quod predicta vtendo iure suo faciebant, cuius tenor est:
Tu następuje dokument biskupa Wawrzyńca z dn. 17. kwietnia 1226 r.
— Nos igitur attendentes duo fuisse excepta in commutacione episcopi, abbatis et fratrum predictorum, videlicet libera sepultura et visitacione (!) infirmorum, si rogantur, pronunciamus de voluntate parcium se ordinacioni nostre submittencium, quod dicti abbas et fratres sancte Marie admittantur ad visitaciones infirmorum, et quod possint assumere corpora mortuorum de parrochia sancte Marie Magdalene saluo iure parochiali et canonica porcione debita plebano supradicto, si rogantur. Pronunciamus eciam quod pro iam receptis emolumentis dictus abbas et fratres soluant quatuor marcas argenti vsualis ponderis infra pascha Artwico predicto, ad quas soluendas dictus abbas se obligavit et repromisit eas soluere infra dictum terminum coram nobis. Prohibemus autem dictos abbatem et fratres, ne alia sacramenta a predictis de cetero ministrare presument in parrochia supradicta. In cuius rei testimonium et perpetuam firmitatem presentibus litteris sigillum nostrum duximus appendendum.
Datum Wratislauie, xl° Kalendas Marcii, anno domini m°cc°lx° septimo, indiccione decima, pontificatus domini Clementis, pape quarti, anno tercio.