- 034 -
1267 (13. lutego) Wrocław
Tenże sam łagodzi spór pomiędzy klasztorem Na piasku oraz proboszczami parafii św. Marii Magdaleny i św. Elżbiety odnośnie święcenia świec w święto MB Gromnicznej oraz palm na Niedzielę Palmową.
— Uniuersis presentes litteras inspecturis frater Gwido, miseracione diuina tituli sancti Laurencii in Lucina presbyter cardinalis, apostolice sedis legatus, salutem in domino. Nouerit uniuersitas vestra, quod, cum inter religiosos . . abbatem et conuentum beate Marie virginis in Wratislauia ordinis sancti Augustini ex una parte ac discretos viros . ., plebanos ecclesiarum sancte Marie Magdalene et sancte Elizabeth eiusdem ciuitatis, ex altera super cereorum et palmarum benediccione suborta fuisset materia questionis, tandem eadem causa sic inter eos extitit concorditer terminata, videlicet quod dicti plebani sancte Marie Magdalene et sancte Elizabeth de cetero sine contradiccione abbatis et conventus predictorum cereos in purificacione beate virginis ac dominica ramis palmarum ramos benedicant, ipsique plebani nullum de parrochianis suis deinceps impedient seu molestare presument, quon libere et absolute ob causam deuocionis accedere possit ad predictam ecclese (!) sancte Marie virginis pro cereis et palmis benedicendis. Quod vtraque pars firmiter acceptauit et a nobis super predictis litteras postulaut, quas eis in testimonium duximus concedendas nostri sigilli munimine communitas.
Datum et actum Wratislauie, Idibus Februarii anno domini millesimo cclxII, indiccione x, pontificatus domini Clementis, pape quarti anno II.