- 061 -

1291 (23. stycznia).

Książę Henryk V. Brzuchaty doprowadził do Wrocławia wody Oławy.

— In nomine domini amen. Ea que cause cognicionem in futuro indigent, necessarium duximus, vt scriptis et testibus publicis confirmentur. Inde est, quod nos Henricus, dei gracia dux Slezie et dominus Wratizlauiensis, in plurimorum tam presencium quam futurorum deferimus nocionem, quod in promocione ciuitais nostre Wratizlauie exhibentes nos peruigiles de communi consilio consulum dicte ciuitatis fluuium, qui Olauiarzeka Oława dicitur, circa dictam ciuitatem ducere decreuimus, vt commoda plurima per eandem aquam ciuitati proueniant, et vt eciam sit in partibus infirmioribus magis firma. Invenimus eciam in ambitu dicti fluminis locum pro molendino congruum, quem locum medium Theodrico dicto Pheffircorn, seruitori nostro, contulimus ad edificandum et construendum [molendinom] pro media parte, cum quotquot rotis poterit vel necessarias habuerit, et sicut suis vsibus videbitur commodius expedire, addicientes, quod piscatura in dicto fossato per medium ad eundem Theodricum et ad suos successores pertineat, et nullum molendinum superius aut inferius per aliquem debeat construi, quod isti molendino preiudicium generet aut grauamen. Sed structura et instauracio poncium per dictum fossatum pertineat ad solos eines Wratizlauienses et idem Theodricus de media parte molendini ipsum contingentem (!) nobis octo malderatas brasii ordeacii in festo s. Martini [11. listopada] a die, qua dictum molendinum meiere ceperit, annis singulis post biennium est daturus, et de aliis solucionibus omnibus et exaccionibus et collectis, quas super alia molendina ponimus, idem Theodricus perpetuo sit cum suis successoribus liber penitus et solutus. In cuius rei testimonium cum sigillo nostro presenda iussimus sigillari.

Actum anno domini millesimo ducentesimo nonogesimo (!) primo presentibus hiis Gunthero de Bibirstein, Themone de Pozeme, pincerna, Bertoldo de Borow, dapifero nostro, Gysilhero Colnero et consulibus ciuitatis, Chonrado, Winero, Zacharia, Helwico de Molsdorfh, Tilone et Bertoldo de Cindato et Frixschone, nostre curie notario, dicto de Jareschowe, cuius manibus decimo Kalendas Februarii presencia conscribuntur.