- 208 -
1352 (22. lutego) BystrzycaCzes.: Bystřice, niem.: Wistritz; wymarła wioska w pow. Chomutov, w Rep. Czeskiej.
Karol IV. Luksemburski król Niemiec (Rzymski) i Czech zawiadamia burmistrza, rajców i całe miasto Wrocław, że jeżeli polski król Kazimierz III. Wielki nadal będzie utrudniał im handel z Polską, Rusią i Prusami, to dla represji poleci zatrzymywać wszystkich polskich poddanych na terenie świętego Cesarstwa Rzymskiego i Królestwa Czech etc.
— Karolos, dei gracia Romanorum rex, semper Augustus, et Boemie rex, magistro consulum, consulibus et vniuersitati ciuium Wratislauiensium, fidelibus nostris dilectis graciam regiam et omne bonum.
Fideles dilecti!
Si magnificus Casimirus, rex Polonie illustris, tos et mercatores ciuitatis vestre, cohabitatores vestros, in processibus itinerum vestrorum et mercacionum vestrarum exerciciis versus regnum suum Polonie et ad partes Prussie et Russie aut alibi vbicumque impedierit seu impediri fecerit et in rebus seu corporibus molestari, extunc damus et concedimus vobis et cuilibet vestrum plenam licenciam et potestatem omnimodam regnicolas et homines dicti regis, cuiuscumque condicionis existant, presidio quorumlibet officialium nostrorum in omnibus partibus nostre dicionis nobis et sacro imperio et regno Boemie subiectis arrestandi occupandi et detinendi rebus et personis, donec vobis et vestrum cuilibet iniuriam seu molestiam passis seu passo de omnibus grauaminibus et dampnis fuerit integraliter satisfactum. Mandamus igitur vniuersis et singulis principibus, comitibus, baronibus, nobilibus, iudicibus, consiliis, rectoribus et vniuersitatibus principatuum, dominiorum, ciuitatum et districtuum quorumcunque nostris et sacri Romani imperii et regni Boemie fidelibus, quatenus vos et quemlibet vestrum in prosecucione arrestacionum et occupacionum predictarum, dum et quociens necessitas id exegerit, teneantur et debeant sine contradiccionis seu cuiuslibet impedimenti obstaculis efficaciter promouere presencium sub nostro sigillo testimonio litterarum.
Datum Wistricz anno domini millesimo trecentesimo quinquagesimo secundo, indiccione quinta, vııı° Kalendas Marcii, regnorum nostrorum anno sexto.
Ad relacionem magistri Thome Noviforensis. R.