- 280 -

1373 (9. marca) Głogów.

Książę Henryk I. Niemodliński oraz pan na Strzelinie przekazuje rajcom, ławnikom, obywatelom i mieszkańcom miasta Głogów magdeburskie prawa miejskie miasta Wrocławia etc.

— Nouerint vniuersi et singuli, quibus nosse fuerit oportunum, quod nos, Heynricus, dei gracia dux FalkinbergensisNiemodliński et dominus StreliczensisStrzeliński, volentes licium et iurgium dispendia, necnon appetitus noxios, quibus fideles et dilecti nostri consules, ciues, incole et inhabitatores ciuitatis nostre superioris Glogouie laborant, sub iurium municipalium Magdeburgensium regula limitari, cum ad eadem iura nostre consideracionis aciem aduertentes, nam id dicte nostre civitatis communis swadebat vtilitas et inevidens necessitas exposcebat, predictorum fidelium nostrorum consulum, scabinorum tociusque vniuersitatis ciuium humilibus et votiuis precibus fauorabiliter inclinati accedente ad hoc nostrorum vasallorum fidelium maturo consilio et assensu dicte nostre ciuitati Glogouiensi, ciuibus et inhabitatoribus supradicta iura Magdenburgensia, ex speciali nostra munificencia et gracia liberali damus et concedimus tenore presencium statuentes firmiter et mandantes, ut (in) eisdem iuribus Magdenburgensibus et graciis de cetero vtantur in suis iudiciis, teneant inuiolabiliter perpetue et obseruent, secundum quod ciues ciuitatis Vratislauie eadem iura Magdenburgensia et gracias cum suis laudablibus consuetudinibus actenus observatis tenuerunt et tenent, volentes eciam et consencientes, quod prenominati nostri ciues Glogouienses dicta iura Magdenburgensia et gracias super quibuscunque dubiis et causis querere et recipere debeant a legalibus viris consulibus et scabinis ciuitatis Wratslauie predicte et non alibi et eadem recepta valeant ritu solito, quando et quociens opus inter actorem et reum [fuerit], fideli ministracione ferro et iuridice promulgare contradiccione et impedimento quorumlibet non obstante, promittentes quoque pro nobis nostrisque successoribus premissa omnia et singula rata, grata et firma habere et tenere ac inuiolabiliter obseruare nec contra facere vel venire aut aliqua ingratitudine reuocare. Preterea nos, consules dicte ciuitatis Glogouiensis promittimus bona fide et sine dolo premissa omnia et singula et eorum quodlibet grata et rata habere et tenere et predicta iura Magdenburgensia aut alterum eorum et gracias per nos a dictis consulibus et scabinis Wratislauiensibus recepta nulli alteri ciuitatum extra ducatum et dominium domini nostri ducis prenotati quovis modo volumus impertiri. In cuius rei testimonium sigillum nostrum malus cum sigillo dicti nostre civitatis maiore presentibus duximus appendendum.

Actum et datum in Glogouia superiori proxima feria quarta post dominicam Inuocavit anno domini millesimo trecentesimo septuagesimo tercio presentibus nostris fidelibus et dilectis Heynczone de Smecz, Hilario de Glesyn, Mathia Woldano, militibus, Henselino Breytenbouch, Petro Smolicz, Petro Swenkenvelt et domino Heynrico nostre curie notario, qui presencia habuit in commisso, et ceteris pluribus fide dignis.