- 244 -
1366 (11. stycznia) Praga.
Karol IV. Luksemburski, cesarz rzymski (niemiecki), król Czech etc., na prośbę Bolka II., księcia Śląska, pana na Świdnicy i Jaworze, w imieniu swoim oraz swoich dziedziców i następców na tronie Czech, uwalnia na wieczność miasta Jelenia Góra, Bolków i Kamienna Góra oraz wszystkich tych, którzy je zamieszkują, ich dziedziców i następców, od ceł i akcyzy (Ungeld) w mieście Wrocławiu etc. Podobnie i obywatele miasta Wrocławia zwolnieni zostali z takichże opłat w wymienionych miastach etc.
— Wir Karll, von gotes gnaden, rohmisscher keyser, zu allen czeiten merer des reichs vnd kunig zu Beheim, bekennen vffentlich mit diesem briefe vnd thuen kund allen den, die in zehin adir horen lehsen, das wir habin angesehin fleissige vnd ernstliche bethe des hochgeborns . . Bolken, herczogen zu der Slezien, herren zu der SweidniczŚwidnica vnd zum JaworJawor, vnsers liebin swogers vnd fursten, vnd habin mit wolbedochtem muthe vnd mit rathe vnserer getrawen vnd mit rechten wissen als eyn kunigh zu Beheim seinen steten HirssbergJelenia Góra, HaynBolków vnd LandishutKamienna Góra vnd allen den, die dorinne wonent, die genade getan vnd thuen auch mit crafft diessis brieffes vor vns vnd allen vnsern erben vnd nochkomen kunige zu Beheim, also das sie vorbass ewiglich besament ader besundirn nicht sullen gebin keynerley czoll noch vngeltRodzaj akcyzy na towary szybko zbywalne, jak np. zboże, wino, piwo, mięso, czy sól. von allem dem, das von eren wegin kompt adir brocht wirt in vnsir stad Breczlaw, was das sei, adir wie is genant sei; is sein wegen adir welcherley kawffmanschafft das sey nichtis nicht awsgenomen, gleicher weise als auch dieselbin von Breczlaw wedir czoll noch vngelt gebin in den vorbenanten steten Hirssberg, Hayn vnd Landishut, als auch den von Breczlaw selbir wol wissentlich ist. Dorumb gebieten wir vestiglich vnd ernstlich dem rate, den czolnern vnd der stad gemeynlich zu Breczlaw, vnsern lieben getruwen, das sie vorbas ewiglich die egenanten burgere von den steten Hirssberg, Hayn vnd Landishut vnd ire erben vnd nochkomen an der vorbeschrebin gnadin, die wir en also habin getan, nicht hinderns awffhaldin, hin adir her zu faren in keyn weys, als liep en sei, vnsir hulde zubehaldin.
Mit orkund dies brieffis vorsegilt mit vnsir keiserlichen maiestaten ingesigil, der gebin ist zu Prage noch cristus geburte dreiczenhundirt iar vnd dornoch in dem sechs vnd sechczigisten iare an dem nehsten suntage noch dem obirsten tage, vnser reiche in dem czwenczigistem (!) vnd des keyserthums in dem eilften iare.