- 239 -

1363 (4. października) Wrocław.

Karol IV. Luksemburski, cesarz rzymski (niemiecki), król Czech etc. nakazuje burmistrzowi, rajcom i przysięgłym miasta Wrocław wypłatę dwustu grzywien praskich groszy z przychodów na księstwie wrocławskim dla Nicolausa Tschambora etc.

— Karolus quartus, diuina fauente clemencia Romanorum imperator, semper Augustus, et Boemie rex, magistro ciuium, consulibus et iuratis ciuitatis Wratislauiensis, fidelibus suis dilectis, graciam suam et omne bonum!
Quia nobili Nycolao Tschamborio, fideli nostro dilecto ducentos sexagenas grossorum Pragensium de prouentibus terre nostre Wratislauiensis nostro nomine suscipiendas et recipiendas a feste sancte Walpurgis [1. maja] ad vnum annum continue subsequentem de singulaii gracia et ex certa nostra sciencia noscimur deputasse; idcirco fidelitati vestre committimus et iniungimus presentibus seriose, quatenus nomine et vice nostri tamquam capitanei Wratislauienses de prefatis nostris predicte terre prouentibus Nycolao supradicto prenotatas ducentos sexagenas veniente supradicto termino dare et integraliter persoluere sine difficultate qualibet debeatis. De quibus quidem ducentis sexagenis, dum ipsas sibi, vt premittitur, persolueritis, vos racione administracionis officii, quam in capitaneatu Wratislauiensi vobis commisimus, quitos reddimus totaliter et solutos.

Presencium sub imperialis nostre maiestatis sigillo testimomo literarum datum Wratislauie anno domini millesimo trecentesimo sexagesimo tercio, indiccione prima, IIII Nonas Octobris, regnorum nostrorum anno decimo octauo, imperii vero nono.

per dominum cancellarium
P. Jaurensis.