- 257 -
1369 (22. listopada).
Sędziowie, rajcy, ławnicy oraz wszyscy przysięgli miasta Legnica zaświadczają cesarzowi Karolowi IV. Luksemburskiemu, że otrzymało magdeburskie prawa miasta Wrocławia wraz ze sprawami jurysdykcji nad sługami i komornikamiNiem.: Hintersassen (l.mn.), „siedzący kątem”. panów świeckich i duchownych etc.
— Coram imperiali celsitudine et magnificencia nos iudices, consules, scabini, iurati totaque vniuersitas ciuitatis Legniczensis vniuersis et singulis, presentibus et futuris tenore presencium publice profitemur, quod nobis constat ex certa nostra sciencia et fidei puritate, quod a longis et retroactis temporibus vsque in hodiernum diem continue et inconcusse eciam a tanto tempore, cuius inicii memoria hominum non existit, honorabiles et prouidi viri, capitanei, consules, scabini, iurati ac tota vniuersitas ciuitatis Wraczlauiensis iudicauerunt. iudicare consueuerunt et hodie iudicant iuxta iura ciuitatis Magdebuigensis ex primeuis institucionibus, priuilegiis et piis donacionibus dominorum temporalium, olim ducum Zlesie et dominorum ciuitatis Wraczlauiensis prenotate; eciam de consuetudine laudabili prescripta antiqua, tenta ac hactenus obseruata et moribus vtencium approbata omnes homines laycos vtriusque sexus omnium dominorum ducum, principum secularium et spiritualium, nobilium, ciuitatum, opidorum et villarum quorumcunque et specialiter homines pfasallos, familiares, ciues et rusticos reuerendi in Christo patris et domini, domini episcopi et sui capituli ecclesie Wraczlauiensis, videlicet prepositi, decani ceterorumque prelatorum et canonicorum prefate Wraczlauiensis ecclesie aliorumque collegiorum, monasteriorum, conuentuum, ecclesiarum rectorum et simplicium clericorum delinquentes vel per alios remissos ac debita contrahentes infra ambitum dicte ciuitatis repertos seu aliqualiter arrestatos, in cuius iudicii seu iurisdiccionis possessione pacifica et quieta dicti capitaneus, consules, iudices, scabini, iurati et communitas ciuitatis Wraczlauiensis sepedicte fuerunt et nunc sunt a tempore et per tempora supradicta continue et inconcusse, vt prefertur, ymmo hominibus sic delinquentibus, vt premittitur, iuxta merita excessuum penas quascunque imposuerunt, imponere consueuerunt hodie et imponunt. Et hoc constat nobis ex eo, quia talis consuetudo iudicandi laudabilis et prescripta in dicta ciuitate Wraczlauiensi sic et in nostra ac in aliis ciuitatibus et opidis dominorum ducum Zlesie in predicta dyocesi Wraczlauiensi constitutis a primeuis exstirpacionibus et fundacionibus terrarum Slesie et ciuitatis tenta extitit et seruata, prout a primogenitorum nostrorum et seniorum multorumque fidedignorum relacione et testimonio sumus plenius informati, ac hodie tenetur et seuwatur. Eciam nostris temporibus sepe et sepius audiuimus, quod homines tales, de quibus supra scribitor, per capitaneos, consules, iudices, scabinos, iuratos et [seniores] vniuersitatis fuerunt, vt premittitur, iudicati et hodiema die iudicantur memoratis dominis episcopo et capitulo et aliis clericis supradictis scientibus et non contradicentibus. Premissa omnia et singula dicimus in bona nostra consciencia esse vera et de premissis in dicta ciuitate Wraczlauiensi necnon in nostra et in aliis ciuitatibus et locis circumuicinis in dicta dyocesi sitis est publica vox et fama. In cuius rei testimonium et euidenciam pleniorem sigillum ciuitatis Legniczensis presentibus est appensum.
Datum in die sancte Cecilie virginis et martiris Christi anno incarnacionis eiusdem millesimo ccc sexagesimo nono.