- 283 -

1373 (11. czerwca) Wrocław.

Thimo von Colditz cesarski podkomorzy i wrocławski starosta krajowy dokumentuje, że burmistrz Peter ze swą małżonką Margareth odsprzedał rajcom miasta Wrocławia, za kwotę sto osiemdziesiąt groszy praskich, w wieczyste posiadanie, swój majątek ziemski Pachnitz, tj. 3½ łanu oraz 3 morgi ze stawem na tamtejszym folwarku etc., wraz ze wszelakimi przynależnościami etc., służbami, podatkami etc.

— Wir Thime von Coldicz, camirmeistir vnsirs herren des keysirs vnd howptman czu Bresslow, bekennen vffintlich in disim keginwortigin briue, das vor vns gestandin hat der ersame Petir Burgermeistir wol mechtig alle synir krefite leibis vnd synne, nicht von keynir irrunge sundir von rechtir vomunfft mit woluorbedochtim mute vnd ouch mit rate synir frunde vnd reichte vff recht vnd redelichin in eyme rechtin kowffe mit willin vnd ioworte der lieblichin vrouwin Margrithen, synir elichin housurowin, dy ouch czu keginwortig was, den vorsichtigin . . rathmannen der stat czu Bresslow virdehalbe hube erbis vnd dry morgin des vorwerkis czu PacheniczNie ustalono mit dem wassir halp, das do heisset dy Laa, als verre vnd also weyt, alze das dorczu gehorit, das do lyt vnd gelegin ist in dem bresslowuisschin gebite vmb hundirt mark vnd achczig mark pragusschir grosschin, dy iczunt dem egenantin Petir Burgermeistir vnd Margrithin synir housvrowin von den egenanthin rathmannen czu Bresslow gancz vnd gar sint beczalt vnd vorgoldin, als sy vor vns habin bekanth, mit pffulin, lachin, wezin, wezewachs, rutecht vnd strutecht, ouch mit allir andir czugehorung, nichts vsgenomin, kleyn noch gros, fry an' allin dinst, rechtin geschos vnd gulde vnd an' alle andir beswerung, wy man dy benumen mag adir mochte, eweclichin czu besiczin, als wir das vffintlichin habin gesehen in eynir hantuestin des irluchstin furstin, herzogin Heynrichs des virdin, eczwenne herre in Slezien, vnd ouch mit demselbin rechte, als der egenanthe Petir Burgermeistir vnd Margrithe syne housvrow vnd ire voruarn dy obgenantin virdehalbin hubin vnd dry morgin han gehat, gehaldin vnd besessin, also sullin sy ouch dy egenanthin rathmanne der stat czu Bresslow habin, haldin vnd eweclichin fry (czu) besiczin. Ouch vorczeich sich der egenanthe Petir Burgermeistir vnd Margrithe syne housvrow von irre, irer geerbin vnd nochkomelinge weyne allir ansproche vnd vorderung, dy sy an den egenantin virdehalbin hubin vnd dren morgin in geistlichim adir werltlichim gerichte gehabin mochten nu adir hernochmols eweclichin in keynirleye wyze vnd masse. Denselbin kowff, vffreichung vnd vorcziung vnd allis, das do vorgeschrebin stet, habe wir stete vnd gancz vnd han von kuniglichir gewalt von Bohemen, der wir gebruchin, gereicht vnd reichin den ersamen vnd vorsichtigin, den rathmannen czu Bresslow, dy iczunt sint adir werdin in czukunfftigin geczithin, dy vorgenanthin virdehalbe hube erbis vnd dry morgin des vorwerkis czu Pachenicz mit dem wassir der Laa halp, also verre, als das gewendin mag adir gelangin, mit pffulin, lachin, wezin, rutecht vnd strutecht vnd mit allir andir czugehorung nichts vsgenomin, vry an' allin dinst, gulde, geschos vnd rechtis, wy man das benumen mag, in allir weyze vnd masse, als vorgeschrebin stet, eweclichen czu besiczin mit macht, czu vorkowffin, czu vorseczin, czu vorgebin, czu vorvechsiln, gancz adir eyn teyl, adir sust an iren nucz czu wendin, als in adir iren nochkomelingin allirnuczlich mag gesin vnd czu vromin komin.

Des czu orkunde vnd czu eyme ewegin gedechtenuss habe wir disin brieff heissin gebin vnd vorsigiln mit dem kuniglichin ingesigil der lanthlewte des furstumes czu Bresslow, das do ist czu erbin vnd czu sachin, das an disin keginwortigin brieff ist gehangin, der do gegebin ist an dem nehestin sunnabund vor der heiligin dryualdekeyt tag in der stat czu Bresslow noch crists geburt driczehenhundirt iar dornach in dem dritten vnd sebinczigistin iare, do by sint gewest dy strengin her Petsche von Schelndorff, her Franczke von Somiruelt vnd her Hannos von Swarczinhorn, rittere, Mathis von der Neissez Nysy, Hanke Sechsbechir, Heynrich Slancz, Reichart von Gobinz Gubina vnd Hannos Noldil, vnsirs herren, des kunigis von Behemen, man, vnd Petir von dem Bunczlowz Mladá Boleslav w Rep. Czeskiej., des erbaren hern Johans Wittels, des vorbenumptin furstumes czu Bresslow canczlers, schriber, der disin keginwortigin brieif hat gehabit in beuelung.

Recognita per Petrum de B.