- 221 -

1359 (11. lutego) Wrocław.

Karol IV. Luksemburski, cesarz rzymski (niemiecki) i król Czech poleca rajcom, ławnikom, starszym oraz całej wspólnocie Wrocławia, by w przypadku jego bezpotomnej ¶mierci złożyli oni hołd jego bratu, Janowi Henrykowi Luksemburskiemu, margrabiemu Moraw, jako jedynemu spadkobiercy i prawowitemu władcy etc.

— Karolus quartus, diuina fauente clemencia, Romanorum Imperator, semper Augastas et Boemie rex, consulibus, scabinis, senioribus et vniuersitati ciuitatis Wratislauiensis, fidelibus nostris dilectis, graciam regiam et omne bonum!
Fideles dilecti!
Animo deliberato, sano principum, baronum et procenim nostrorum accedente consilio mandamus et iniungimus vobis presentibus seriose ac de certa nostra sciencia, quatenus illustri Johanni, marchioni Morauie, vnico germano fratri nostro promittere debeatis pro vobis, heredibus et successoribus vestris et eiusdem vestri promissi patentes donare literas, quod in casu, vbi nos — quod deus de sui gracia dignetur auertere — non relictis masculini sexus heredibus seu heredum proheredibus in linea masculina descendentibus a nobis mori contingeret, ad eundem carissimum germanum fratrem nostrum, quem vnicum habemus, tamquam ad verum legittimum, ordinarium, hereditarium et naturalem dominum vestrum regem Boemie, aut eo non existente ad filios eius et filios filiorum ipsius per masculinam lineam legittime descendentes ab eo, ad eum videlicet, qui ex eisdem rex Boemie fuerit, tamquam ad verum legittimum, ordinarium, hereditarium et naturalem dominum vestrum, Boemie regem et ad neminem alium pro vobis seu vestris heredibus et successoribus in perpetuum fide, omagio, subiecdone et obediencia velitis habere respectum et ei tamquam regi Boemie vero, legittimo ordinario, hereditario et naturali domino vestro velut regni et corone Boemie ciues, subditi et fideles pro vobis, vestris heredibus et successoribus fidelitatis, obediencie, subieccionis et omagii prestare et facere debita et solita iuramenta.

Presencium sub imperialis nostre maiestatis sigillo testimonio literarum datum Wratislauie anno domini millesimo trecentesimo quinquagesimo nono, die vndecima mensis Februarii regnorum nostrorum anno tercio decimo, imperii vero quarto.