- 279 -

1373 (12. stycznia) Wrocław.

Thimo von Colditz cesarski podkomorzy i wrocławski starosta krajowy dokumentuje, że Martin, Margareth i Anna Reimann odsprzedali szafarzom szpitala Bożego Ciała pod Wrocławiem, oraz ich następcom, całą swoją własność, jaką mieli i posiadali, na folwarku w Pasiecznej, ze wszystkimi przynależnościami, korzyściami etc., jakie posiadali Martin, Margareth i Anna, z wieczystym prawem dziedzicznym, za co już zapłacili sprzedającym, o czy powiadomiono wystawcę tegoż dokumentu etc.

— Wir Thime von Coldicz, camirmeister vnsirs herren des keysirs vnd howptman czu Bresslow, bekennen vffintlich in disim keginwortigin briue, das vor vns gestandin han dy ersamin Mertin, Margrithe vnd Anna, dy do Tilken Czoczicz, andirs Reymman genanth, erbelinge sint gewest, seligis gedechtenus, wol gesunt an leibin vnd an synnen nicht von keynir irrunge sundir von rechtir vornumfft mit woluorbedochtin muten vnd euch mit rathe irre frunde vnd reichtin vff recht vnd redelichin in eyme rechtin kowffe den vorsichtigin Hanken Dominik vnd Hannosin Cruczebecker, burgern czu Bresslow, als vorwesern vnd schaffern des spitals des heiligin lichams by Bresslow alles ir gut, das sy habin vnd besiczin in dem vorwerke czu SedeliczPasieczna (niem.: Zedlitz) w pow. Świdnica, das do leyt vnd gelegin ist in dem bresslowusschin gebite vmb eyn genant gelt, das iczunt Hanke Dominik vnd Hannos Cruczebecker, dy genanthin, Mertin, Margriten vnd Annen gancz vnd gar habin beczalt vnd vor goldin, als sy vor vns han bekanth, mit allir nuczberkeit, genyes vnd gebruchung vnd mit allir andir czugehorung desselbin gutis vnd vorwerkis Sedelicz, nichts vsgenomin, kleyn noch gros mit allim rechte, als dy vorgenanthin Mertin, Margreite vnd Anne vnd ire voruarn dasselbe gut vnd vorwerk von langin aldin geczitin habin gehat, gehaldin vnd besessin, also sullin is ouch dy egenanthin Hanke Dominik vnd Hannos Cruczebecker vnd ire nochkomelinge, des egenanten spitals schaffer, czu des selbin spitals hant adir von des spitals weyne habin, haldin vnd eweclichin fry czu erbrechte besiczin mit macht czu vorkowffin, czu vorseczin, czu vorgebin, czu vorwechsiln gancz adir eyn teil, adir sust an des egenantin spitals nucz czuwendin, als ym allinuczlichste mag gesin vnd czu vromin komin. Ouch vorczegin sich dy obgenantin Mertin, Margrithe vnd Anne von irre, irre geerben vnd nochkomelinge weyne allir ansproche vnd vorderung, dy sy an dem genanthin gute Sedelicz in geistlichim adir werltlichim gerichte gehabin mochtin nu adir hernochmols eweclichin in keynirleye wize vnd masse. Denselbin kowff, vffireichung vnd vorcziung vnd allis, das do vorgeschreben stet, habe wir stete vnd gancz vnd han von kuniglichir gewalt von Behemen, der wir gebruchin, gereicht vnd reichin den vorsichtigin Hanken Dominik vnd Hannosen Cruczebecker als schaffern vnd vorwesern des spitals des heiligin lichams by Bresslow von desselbin spitals weyne das egenanthe gut czu Sedelicz mit allin synen czugehorungin nichts vsgenomin, wi man das mit sundirlichin wortin benumen mag vnd genennen, czu habin, haldin vnd eweclichin fry czu erbrechte besiczin.

Des czu eyme ewegin gedechtnus habe wir disin brieff heissin gebin vnd vorsigiln mit dem kuniglichin ingesigil der lantlewte des furstumes (!) czu Bresslow, das an disin keginwortigin brieff ist gehangin, der do gegebin ist czu Bresslow an der nestin methewochin noch dem obirstin tage noch Crists geburt driczehenhundirt iar dornoch in dem dritten vnd sebinczigistin iare. Doby sint gewest dy edeln her Gregor vom Sabor vnd her Franczke von Somirfeltz Lubska, rittere, Panczke Radak, Albrecht von Paak, Nickel von Cracowz Krakowa, Reichart von Gobinz Gubina, Otte von der Neissez Nysy vnd Nicklos Gocke, des obgenanten kunigis von Behemen, vnd Petir von dem Bunczlowz Mladá Boleslav w Rep. Czeskiej., des erbarn hern Johannis Wittels canczelers des vorbenumptin furstumes czu Bresslow schriber, der disin keginwortigin brieff hat gehabit in beuelunge.

Recognita per P. de B.