- 295 -
1375 (20. czerwca) Wrocław.
Thimo von Colditz cesarski podkomorzy i wrocławski starosta krajowy dokumentuje, że Nicolaus Essig, obywatel Wrocławia, odsprzedał i przekazał rajcom miasta Wrocławia, obecnym, jak i ich następcom, cały swój majątek oraz folwark Partynice położony w okręgu wrocławskim, ze wszystkimi przynależnościami, połową jeziora zwanego Laha (również Laa), przychodami, gruntami, łąkami, pastwiskami etc., z tym, co jest obecnie oraz z tym, co przybyć może w przyszłości etc., wolny od służb, podatków etc., zaś rajcy przekazali Nicklosowi ustaloną kwotę pieniędzy, o czym on sam osobiście, słownie, zapewnia etc.
— Wir Thime von Koldicz, cammirmeistir vnsirs herren des keysirs vnd howptman czu Bresslow, bekennen uffintlich in disem keginwortigen briue, das vor vns gestandin hat der ersame Niclos Esseg, burger czu Bresslow, wol gesunt vnd mechtig alle seynir krefften leybis vnd synne, nicht von keynir irrunge sundir von ganczir gewissen vnd wisir vornumfft mit woluorbedachtim mute vnd mit retigem rathe seynir frunde vnd hat vorkowfft recht vnd redelichin in eyme rechten kowffe vffgebunde vor vns willeclichin vnd vffgereicht den . . vorsichtigen vnd weyzen hern, den ratmannen czu Bresslow, dy do iczunt sint adir hernochmols werdin in czukumfftigen geczeiten, alle seyn gut des vorwerkis PateniczPartynice, do roku 1945 Hartlieb, dziś osiedle w południowej cz. miasta des bresslowusschin gebitis, is sey vil adir wenig, das her do hat mit alle synir czugehorung sundirlichen mit dem wassir halp die Laha genanth, als weyt vnd verre, als dorczu gehort vnd gehorin mag, vmb eyn genant gelt, das dy vorgedachtin rathmanne der stat czu Bresslow iczunt gancz vnd gar dem alrestgenantin Niclose Esseg habin beczalt vnd vorgoldin, als her muntlich vor vns uffinbar hat bekanth, mit allir nuczbarkeit, gebruchung der fruchte vnd czugehorung, mit lachen, pffulin, wezin, weze wachs, weydin, rutecht vnd strutecht vnd auch mit allir andir czugehorung des egenantin gutis vnd vorwerkes Pathenicz, genant adir vngenant, wy man das mit sundirlichin adir gemeinlichin wortin irdenken mochte adir genennen, nichts vsgenomin, kleyn noch gros in keynirleye weyze. Auch mit alle deme rechte, herschafft vnd gebruchung, fry von allirleye dinstc, gulde, geschos vnd beswerung, als wir das lutur vnd uffinbar in eynir alden hantuestin des irluchsten furstin, herczogin Bunczlows (?), eczwenne furste in Slezien vnd herre czu Bresslow habin gesehen, als is auch in seynen reynen vnd greniczen vmbe vnd vmbe von aldirs ist gelegen vnd von andirn gutirn gesundirt vnd von deme egenantin Niclose Esseg vnd seinen vorfarn von aldin langin vorgangen geczeitin ist besessin, also sullin is auch dy egenanthen rathmanne czu Bresslow, dy iczunt sint adir werdin in czukurnffügen gecziten mit demselbin rechte habin, haldin vnd fredelichen besiezen. Auch doselbist der egenanthe Nicklos Esseg vorczeich sich abetretinde mit gutem willin vmbetwungen an' allis geuerde von seynir, seynir erbin vnd nochkomelinge wegen allir ansproche, czuvorsichts vnd vorderung, dy her adir sy gehabin mochten an deme egenanten gute vnd vorwerk Pathenicz mit seyner czugehorung an gancz adir an teil, von rechte adir von tat in geistlichim ader in werltlichem gerichte, iczunt adir hernochmols ewedichin in keynirleye weyze vngehindirt. Denselbin kowff, uffreichung vnd vorcziung vnd allis, das do vorschrebin stet, habe wir stehete vud gancz vnd habin gereicht vnd reichen von kuniglichir gewalt von Beheim, der wir gebruchin, den vorgedochtin . . rathmannen czu Bresslow, dy iczunt sint adir werdin in czukumfftigen geczitin, das egenante gut vnd vorwerk Pathenicz mit allir nuczbarkeit, gebruchung vnd czugehorunge, als vorbenumpt ist, genant adir vngenant, nichts vsgenomin, kleyn noch gros, mit allim rechte, herschafft vnd gebruchung, fry an' allirley dinst, gulde, geschos vnd beswerung als vorgeschrebin stet, czu habin, haldin vnd fredelichin czu sogetanem rechte besiczin mit macht vnd fuller crafft czu vorkowffen, czu vorgebin, czu vorseczin, czu vorwechsiln, gancz adir eyn teyl, adir sust an iren behegelichin nucz czu wendin, als in allir bequemelichste mag gesin vnd czu statin komen. Mit erkunde dis briues, der do vorsigilt ist mit dem kuniglichin ingesigil der lantlewte des furstenthumes czu Bresslow, das do ist czu erbin vnd czu sachin, das an disin keginwortigin brieff ist gehangen.
Geben czu Bresslow an der nestin metewochin vor send Johans baptisten tag noch crists geburd driczenhundirt iar dornoch in deme fumfften vnd sebinczigistin iare. Doby sint gewest dy edeln her Herman von Borsnicz vnd her Franczke von SomirfeltZ Lubska, rittere, Albrecht von Pak, Heyncke von Schelndorff, Hanke Sechsbechir, Heinrich Swarcze, Hannos Noldil vnd Nicklos Strelinze Strzelina?, vnsers hern des kunigis von Behemen man, vnd Petir von deme Bunczlowz Bolesławca, des erbarn hern Johannis Wyttels, canczelers des vorbenumptin furstintumes czu BresslowWrocław, schriber, der disin keginwortigen brieff hat gehabit in beuelung.
Recognita per Petrum de Bolezlauia.