- 274 -

[1372] (17. lipca) Bruksela.

Rada miasta Brukseli odpowiada na zapytania Rady wrocławskiej odnośnie zawartości kruszcu, jaką posiadać muszą wyroby ze złota i srebra brukselskich złotników, jak również w sprawie wynagradzania ich za pracę etc.

— Amici sincere dilecti! Amicabili premissa salutacione literas amicabiles vestre prudencie recepimus, ex quibus perpendimus vestras velle informari discreciones de statu aurifabrorum nostrorum et qualiter ipsi opus suum tenere solent videlicet in vasis, tassiis et aliis clenodiis argenteis faciendis, vtrum, ipsi talia et similia de puro argento conficiunt uel cuprum addant et quantum, et eciam quantum pro sallario suo de marca argenti deaurati uel absque auro confectis habere debeant, prout hec in vestris amicabilibus literis vidimus contineri. Quibus per nos receptis rectores et magistros officii aurifabrorum nostrorum euocauimus coram nobis, a quibus statum et seriem negocii predicti nobis penitus ignotos inuestiganimus seriose. Ex quoram relatu fidedigno vestris discrecionibus certitudinaliter intimamus, quod ipsi aurifabri uille nostre predicte operantur de tali auro, prout operantur communiter aurifabri in ciuitate Parisiensi, videlicet ad probam Parisiensem. De argento autem in vasis et aliis clenodiis argenteis conficiendis operantur dicti aurifabri nostri videlicet de tali substanda seu argento ita bono, sicut sunt grossi antiqui Turonensis monete regis Francie boni et legales, et ad maiorem huiusmodi declaracionem dixerunt, quod dicta substancia argenti, de quo ipsi operantur, est talis, videlicet quod in vna marca purissimi et fini argenti apponunt de alia materia eris seu cupri quatuor sterlingos antiquos dumtaxat, et si repirirentur (!) vasa per operarios nostros confecta de peiori materia, quam predictum est, operarii defectum huiusmodi supplerent et cum hoc dampna ex parte suorum rectorum inde sustinerent.
De sallario vero eorum nobis retulerunt, quod de potis seu ollis argenteis ponderis quatuor marcarum habere solent pro eorum sallario videlicet de qualibet marca vnum mutonem simplicem monete Brabantini, de paruis ollulis seu potis pro aqua ponenda ad mensam et aliis paruis vasis consimilibus bene operatis et artificialiter ponderis marce cum dimidia recipiunt communiter pro sallario tres mutones simplices de quolibet vase dicti ponderis, et si forti (!) essent ponderis duarum marcarum, non haberent inde malus sallarium, et si essent minoris ponderis, non haberent inde minus. Item de peluibus argenteis et de scultellis de qualibet marca argenti talium vasorum recipiunt 9 grosses Flandrenses videlicet de tribus marcis argenti vnum simplicem mutonem Brabantinum. De tassiis vero argenteis simplicibus consueti sunt recipere pro suo sallario videlicet de tribus tassiis vnum simplicem mutonem. Preterea dicunt, quod de zonis et corrigiis seu cincturis argenteis, pro quibus ipsi operarii omnem substanciam tradunt, apponunt et deliberant, dum illa bene operata expediunt, inde recipiunt duplex pondus videlicet tantum de sallario, quantum illa clenodia ponderant. Dixerunt eciam nobis dicti rectores predicti officii aurifabrorum, quod ipsi habent vnum certum et commune signum, quod seruant et custodiunt duo de consociis operariis dicti officii, et illo signant omnia et singula opera argentea infra villam nostram confecta, quando illa perfecta sunt et consummata, et vna cum hoc quilibet aurifaber ipsius ville habet suum proprium signum, quod inprimit operi sue ad finem, quod temporibus perpetuis sciatur, si in opere uel substancia defectus reperiretur, qui fuerit operarius huiusmodi operis, et ille uel sui heredes defectum huiusmodi supplerent et emendarent de suis bonis. Vnde, dilecti amici, amplius de vestris desideriis nequientes iuxta vestrarum literarum tenorem informari premissa, que veridico relatu nostrorum fidelium coopidanorum aurifabrorum didicimus, vestris discrecionibus presentibus literis duximus referenda, quibus ad presens velitis beniuole contentari nobis semper queque grata confidenter scribentes in domino, qui vos conseruet per tempora longiora.

Scriptum Bruxcellis die xvıı mensis Julii.