- 220 -

1359 (10. lutego) Wrocław.

Jan Henryk Luksemburski, margrabia Moraw, zobowiązuje się, w przypadku zastąpienia swego brata cesarza Karola IV. Luksemburskiego na tronie Czech, że miasto Wrocław pozostanie przy swych wszystkich przywilejach, pismach, prawach, obyczajach, dobrach etc.

— Nos Johannes, dei gracia marchio Morauie, notum facimus tenore presencium vniuersis, quod animo deliberato non per errorem aut improuide sed sano procerum nostrorum et fidelium accedente consilio ac de certa nostra sciencia absque omni dolo promisimus ac eciam promittimus consulibus, scabinis, senioribus et vniuersitati ciuitatis Wratislauieusis, quod in eum casum, vbi serenissimus ac inuictissimus princeps et dominus, dominus Karolus, Romanorum imperator, semper Augustus, et Boemie rex illustris, dominus graciosus et frater noster carissimus, non relictis legittimis masculini sexus heredibus uel heredum proheredibus moreretur, nosque sibi succederemus in regno Boemie, quod tunc tam nos quam eciam heredes et successores nostri Boemie reges ipsos, heredes et successores, eorum penes omnia priuilegia, literas, iura, bonas et laudabiles consuetudines, que et quas supradicti domini imperatoris et regis Boemie, domini et fratris nostri, necnon magnifici et excellentis principis, domini Johannis, quondam Boemie regis, domini et patris nostri dilecti, temporibus optinuerunt ab eis et habent, absque impedimento quolibet dimittere volumus graciose, eosque in omnibus predictis priuilegiis, literis, iuribus et consuetudinibus eorum tueri et defensare, quemadmodum Boemie rex regni et corone Boemie ciues, subditos et fideles tenetur facere consuetudine uel de iure.

Presencium sub nostro sigillo testimonio literarum datum Wratislauie ibidem anno domini millesimo trecentesimo quinquagesimo nono X die mensis Februarii.