- 275 -

1372 (22. lipca) [CölnNiegdyś samodzielna miejscowość, z zamkiem, obecnie dzielnica Miśni (Meissen w Saksonii, D).].

Sędzia, ławnicy i rajcy miasta Cöln odpowiadają wrocławskiej Radzie na jej zapytania o zawartość kruszcu, jaką muszą utrzymać tamtejsi złotnicy w ich wyrobach ze srebra etc.

— Iudices, . . scabini, consules ceterique ciues ciuitatis Coloniensis sinceri fauoris et omnis boni salutacione semper premissa. Amici predilecti! Recepimus literas vestras nobis missas de et super statu aurifabrorum nostrorum vobis rescribendo, super quo amiciciam vestram scire desideramus super primo videlicet qualiter ipsi opus artificii eorum obseruent in vasis, tassiis et aliis clenodiis argenteis in artificio eorum factis et faciendis, an ipsi in opere eorum huiusmodi addant aliquid de cupro uel alterius metalli specie. Super quo vobis respondemus, quod in omni opere argenteo nichil alicuius alterius metalli conmiunicacio adiungitur, sed dumtaxat de puro et fino argento omnia et singula, que operari occurrunt, per eos fabricantur et fiunt hoc excepto, quod in coniunccionibus peciarum argenti quadam re vocabuli nostri wlgariter „slaleit”, quanto minus possunt, admiscent quacunque alia admixtura semota. Determinacionem vero salarii certam non habent, siue fuerit operis deaurati siue non deaurati, sed illud adtendunt et ponderant circa difficultatem et laboris quantitatem. Et sic ad puncta litere vestre petita seriatim duximus correspondendum, et si qua alia a nobis petissetis, possibilitati adiuta libenti animo similiter fecissemus desiderantes conciues nostros pro tempore apud vos conuersaturos beniuole et graciose recipi et tractari eosque defensari et antiquis priuilegiis et libertatibus permitti gaudere in eo nobis complacenciam singulariter ostensuri.

Datum ipso die beate Marie Magdalene.